等左好耐終於到今日，就係參觀何東樓車廠既大日子•

我剛上工果陣已經入過去，而且有pass就隨時都入到去，真係冇乜特別•

但何東樓從來冇開放過，對鐵路迷黎講的確係有種神秘感•

果種感覺就像自己入地鐵車廠一樣咁剌激，始終平時冇乜機會入去嘛！

我同班朋友約好在火炭車站等，但原來好多其他鐵路迷都在場，夾埋有十幾個！

我地一行十幾人浩浩蕩蕩入去，都幾多人喎 ~ (我當自己係普通乘客持票入場，冇show證架！)

從外觀睇黎何東樓都冇乜點變，只係入口多左件裝飾品咁大把•

但一行到入去就唔同晒，同上堂黎參觀果陣差好遠喎...

地下放了一盞有少少似三角形既燈，好鬼得意。

本來有路軌既地方在路軌凹陷處鋪左膠墊，大部份零件既擺位都唔同晒•

好明顯，為左呢個開放日搞左唔少野，d零件一件件咁攤晒出黎......

我地仔細咁研究過車底...

車門...

車卡與車卡之間的接駁位...

就連通訊設備都唔放過！

稍為吸引人既只係可以坐0係火車度睇住架車駛過洗車機，一嘗洗車既滋味•

有小丑氣墊之餘，最搞笑連緊急維修工場都變成俾小朋友玩既波波池帳幕！

仲有例牌攤位遊戲，真係好公式化，完全只係展覽 + 嘉年華會...

聽個師兄講咁樣執頭執尾都搞左半個鐘，不過上頭話要咁，冇計•

車廠外有公司車去東鐵車廠控制中心，但人龍就長到......

因為人太多，去到OCC參觀既人都只可以隔住玻璃望，唔同上堂果陣落埋去睇•

連新車都收埋睇唔到，真係有點失望 (可能怕人多會混亂卦)~

唯有寄望下次地鐵 / 機鐵 / 輕鐵 / 西鐵......既開放日啦！